ამასწინათ, ბლოგების დათვალიერებას მივყავი ხელი. დგას ხოლმე ჩემს ცხოვრებაში პერიოდები, როდესაც უფრო ნაკლებად მნიშნველოვანი საქმე მაქვს გასაკეთებელი და საკუთარი სიამოვნებისთვის დავბოდიალობ ინტერნეტში...
საიტიდან - საიტზე, ლინკიდან - ლინკზე და აღმოვჩნდი "შორენის ბლოგზე"...
ჯერ პირველი გვერდი ჩავათვალიერე და დამაინტერესა.
არ მინდოდა, ახლანდელი პოსტები წამეკითხა და ყველაფერი თავდაყირა დამეყენებინა. გადავედი სულ ბოლოში, ანუ დასაწყისში და მივყევი ქრონოლოგიურად. : ))
ძალიან მაგარი გასართობია, ვიღაცის, შენთვის უცნობი ადამიანის ცხოვრებას კითხულობ თანმიმდევრობით, როგორ დადის პაემანზე თმაგასწორებული ^^ როგორ უყვარს, როგორ განიცდის... სად მუშაობს და ყველაზე დიდი აზარტია ის, რომ ეს პოსტები რამდენიმე წლის წინ აქვს დაწერილი... რეალურად კი დღეს როგორ ცხოვრობს, არ ვიცი. : )
ეს არის საკუთარი თავისთვის მოწყობილი სერიალი, რომელსაც რეკლამების სახით "იუთუბზე" მოსმენილი სიმღერები წყვეტს და მაშინ აგრძელებ კითხვას, როცა მოგესურვება და რამდენ ხანსაც გინდა :))
ეს არის ბლოგი, რომელის სავსეა ადამიანურობით, უდიდესი სიყვარულით... მეზობლებით, უსაყვარლესი დედიკოთი, რომელიც პუნქტუაციას აქცევს ყურადღებას (შემიყვარდა შორიდან), რადიოს ცხოვრებით და უშუალობით...
ფინჯანი ჩაი, სათვალე და შორენის ბლოგი ჩემი ცხოვრების ამ პერიოდის ერთ-ერთი მთავარი გასართობია <3
გმადლობ შენ ამისთვის, შორე : ))
0 comments:
Post a Comment